Dúas persoas maiores dunha residencia pública, hospitalizadas por un brote de lexionela

Dúas persoas residentes no centro para maiores público das Gándaras, no municipio de Lugo, están hospitalizadas por un brote de lexionela.

Estes casos ocorren dous anos despois doutro que tardou dous meses en resolverse e que levou ao hospital a oito persoas que vivían no centro.

Fontes sanitarias confirmaron que o brote de lexionela afectou a dous residentes, un home e unha muller. Ambos están ingresados no Hospital Lucus Augusti e permanecen estables.

A Consellería de Sanidade activou o martes o protocolo correspondente nestes casos e tomou mostras e procedeu aos traballos de desinfección.

Así mesmo, os traballos inclúen a realización dun choque termo nas tubaxes de auga quente co fin de localizar o foco e aplicar o produto desinfectante.

PODE HABER MÁIS CONTAXIOS

A presidenta do comité de empresa confirmou que continúan os estudos por parte de Sanidade para descartar máis contaxios.

Mentres tanto, os usuarios comen en vaixelas desbotables e todo a auga que utilizan está embotellada, para evitar contactos co foco de contaxio.

Paz admitiu que "existe a posibilidade de que haxa máis persoas contaxiadas, mesmo persoal", en tanto que o proceso de incubación pode alongarse ata doce días.