A Nova Pescanova demanda á vella

Nova Pescanova acaba de presentar unha demanda contra a 'vella' Pescanova, que aínda controla o 20% da pesqueira, pola ilegalidade na subscrición de contratos antes de perder o control da compañía. 

En concreto, denuncia dous contratos asinados inmediatamente antes de que os vellos propietarios lle cederan o control á banca acreedora, considerando que contén un contido "claramente abusivo", impoñendo novas obrigacións e penalizacións de ata 2 millóns de euros a Nova Pescanova en caso de non cumprir con estas obrigacións auto-outorgadas e unilateralmente impostas.

Na firma destes contratos, segundo a nova xestión da multinacional galega, Pescanova incorreu nun conflito de interese que supón "unha grave infracción da súa deber de lealdade" como administrador único que era de Nova Pescanova.

A multinacional galega explicou que acode aos tribunais despois dos "infrutuosos e reiterados esforzos" de conciliar posturas para solucionar estes e outros conflitos entre ambas as partes.

Nova Pescanova considera que os responsables da antiga firma responderon con "graves e reiterados ataques públicos" e presentando "información terxiversada" sen ponderar as consecuencias na imaxe da compañía que "tanto custou reflotar".