Compromiso por Galicia achégase á Marea

Dirixentes e militantes de Compromiso por Galicia, entre os que se atopa o exsenador Xosé Manuel Pérez Bouza, acaban de impulsar un manifesto a favor de unirse á confluencia En Marea, integrada na actualidade por Esquerda Unida, Podemos Galicia e Anova.

Consideran a confluencia como a mellor opción para que o partido, bastante mal parado nas últimas eleccións, "manteña e consolide o seu proxecto estratéxico" sen por iso renunciar á súa "autonomía, identidade e capacidade de actuación". 

No manifesto deixan claro que os resultados das pasadas eleccións xerais deixan "ben claro" a existencia dunha "vontade de cambio por parte da sociedade galega e considerar que integrarse na Marea sería a mellor forma de participar dese cambio. 

"A cidadanía galega estanos indicando, agora de forma máis nítida que nas pasadas eleccións municipais, que o cambio político no noso país terá unha expresión plural e terá como protagonista clave a En Marea", remarcan os firmantes do manifesto. 

Nese contexto, Compromiso por Galicia "debe apostar decididamente por sumar nese novo espacio político que constituye En Marea con vontade colaborativa, con intención de ampliar a base política e social e reforzar o enraizamiento do país tanto do propio partido como do novo espacio", defenderon.