A néboa na Coruña obriga a desviar un voo a Santiago

A densa néboa rexistrada á primeira hora da mañá deste mércores na Coruña obrigou a desviar a Santiago un voo con destino á cidade herculina.

Segundo informaron a Europa Press fontes de Aena, o voo afectado é de Iberia e cubría a ruta entre Madrid e o aeroporto de Alvedro, onde debía aterrar ás 8,45 horas.

Con todo, a néboa impediu a aterraxe e a aeronave foi desviada a Santiago de Compostela, desde onde está prevista a súa saída. Pola súa banda, os aeródromos de Lavacolla e Peinador están a operar con normalidade.