​O Celta ata a Hugo Mallo ata 2021

O Celta e Hugo Mallo amplían o seu contrato por dúas temporadas máis. O capitán celeste, que remataba a súa vinculación co club no 2019, asinou ata 2021. O novo acordo sitúa a cláusula de rescisión nos 30 millóns de euros, a máis alta dos canteiráns, xunto con Iago Aspas e Rubén Blanco.

Asegúrase así a continuidade dun xogador que chegou á canteira en categoría infantil e que deu o salto ao primeiro equipo cando aínda xogaba cos xuvenís. Desde aquela pasaron xa oito temporadas e esta é a súa segunda lucindo o brazalete de capitán no club da súa vida.

O xogador declarou ter cumpridos moitos soños co Celta, onde aínda lle quedan metas por alcanzar. Mantén vivo, iso si, outro soño cunha camisola distinta, a da Selección Española absoluta, pero lévao "con calma".