​Balaídos garda un minuto de silencio no Celta-Atlético polas vítimas do Porriño

Os asistentes ao partido Celta-Atlético de Madrid, que se celebra este sábado desde as 13,00 horas no estadio de Balaídos, en Vigo, gardou un minuto de silencio polas vítimas de tren sinistrado o venres no Porriño, nun accidente no que faleceron catro persoas e houbo 48 feridos.

Así mesmo, os xogadores de ambos os equipos que participaron na homenaxe previa ao comezo do partido portan brazaletes negros en recordo dos catro falecidos.

O sinistro tivo lugar sobre as 9,25 horas, nun tramo de vía recto, xusto á entrada da estación do Porriño. Tres vagóns con 65 persoas a bordo saíronse da vía, a máquina locomotora envorcou e acabou impactando contra a base de formigón dunha torreta de electricidade.

Como consecuencia do impacto, tres persoas faleceron no acto: o maquinista, José Arnaldo R., de 47 anos e orixinario da localidade portuguesa de Ermesinde; o interventor, Miguel Ángel V., de 66 anos de idade e nado en Lugo; e un turista norteamericano, que tivo que ser excarcerado. Así mesmo, outro traballador de Renfe, un mozo vigués de 23 anos de idade, Joaquín R.G., foi trasladado en estado moi grave ao Hospital Álvaro Cunqueiro (HAC) de Vigo, onde faleceu pouco despois.