Galego
Continúan os sustos nas praias
En Sanxenxo e Redondela uns particulares rescataron do mar a bañistas en apuros. Moitos dos areais de Galicia quedan sen socorristas coa chegada de setembro.
Praia de Major, Sanxenxo. //Foto: turismo.gal
Dúas persoas foron rescatadas en praias galegas a última hora da tarde deste martes. No areal de Penedos, en Redondela, unha muller en apuros foi sacada da auga por uns particulares, mentres en Major, en Sanxenxo, outra persoa rescatou a un bañista.
Segundo informa o 112, un dos particulares que rescatou a muller en Redondela contactou co centro de atención ás emerxencias ás 19,45 horas para solicitar asistencia sanitaria.
O 112 estableceu comunicación con Urxencias Médicas e efectivos sanitarios enviaron unha ambulancia ao momento. A muller acabou sendo evacuada ao Hospital Álvaro Cunqueiro de Vigo.
En Sanxenxo, outra persoa foi rescatada en Major, despois de que un particular informase ao 112 sobre as 19,00 horas da presenza dunha persoa na auga, nunha zona perigosa.
O centro de atención ás emerxencias alertou a Salvamento Marítimo e ao servizo de gardacostas. Os feitos, ademais, foron postos en coñecemento do GES de Sanxenxo e da Garda Civil. Finalmente, un particular rescatou o bañista, en bo estado de saúde.
La falta de socorristas en las playas será crónica a corto plazo
Os socorristas salvan a dúas persoas na Lanzada e Riazor
AGE propón obrigar a que todas as praias teñan socorristas no verán
Escribe tu comentario