Unha película rodada en Galicia, precandidata aos Óscars

Hoxe foi a quenda da primeira rolda de votación para as películas españolas, onde os académicos tiveron que decidir tres longametraxes das 42 estreadas entre o 1 de novembro e o 30 de setembro deste ano.

As afortunadas para representar a España nos Óscar foron Julieta, de Pedro Almodóvar, El Olivo, de Icíar Bollaín, e La Novia, de Paula Ortiz. Aínda que a seleccionada finalmente, xa que só pode ir unha, non se saberá ata o próximo 7 de setembro.

Unha boa nova para o cine español e tamén para Galicia, onde foi parcialmente rodada a cinta. As dúas localidades costeiras que recibiron ao equipo de rodaxe en xuño de 2015 foron Ares e Mugardos. Na praza do Pedregal e ao redor da rúa Nova de Redes instaláronse sete camións e alugáronse tres casas para a gravación, que recrea neste tramo a historia de amor de Julieta e Xoan. Redes xa fora escenario de sériea Pai Casares.