Gas Natural Galicia investiu máis de 50 millóns durante 2015

Gas Natural Galicia, filial distribuidora de Gas Natural Fenosa investiu en Galicia durante 2015 ao redor de 51,5 millóns de euros. O obxectivo, continuar co seu plan de expansión e desenvolvemento de infraestruturas, ademais de mellorar as súas redes e servizos nas comunidades. 

Nos últimos 15 anos, os investimentos da compañía para gasificar novas poboacións e aumentar o uso desta enerxía en Galicia xa ascende ata os 438 millóns de euros. 

En concreto, durante 2015 Gas Natural Galicia iniciou a subministración de gas natural en tres localidades; O Grove, Pontedeume e Ribadeo. 

Tras estas novas incorporacións, a empresa xa está presente en máis de 70 municipios galegos, grazas a unha rede de distribución que supera os 3.400 quilómetros.