A testemuña protexida ratifícase na súa versión sobre a morte de 'Jimmy'

A testemuña protexida do 'caso Jimmy' declarou este luns no xulgado de menores número 4 de Madrid e ratificouse na súa versión, corroborando en gran parte a tese policial dos feitos, e negando que participase na morte do aficionado do Deportivo Francisco Javier Romeu, coñecido como 'Jimmy'.

Entre os sinalados por este menor, estaban dous dos catro detidos no seu día polo presunto asasinato e que o pasado maio foron postos en liberdade por falta de probas.

Segundo informaron fontes xurídicas, asistiron á vista os dous menores que estaban acusados de rifa tumultuaria e de tenencia ilícita de armas. Ningún quixo declarar, aínda que o acusado unicamente de rifa tumultuaria aceptou a pena de prestacións en beneficio da comunidade.

Pola contra, sí declarou o menor acusado de homicidio, quen negou que participase na morte de 'Jimmy' e que negou levar a "defensa extensible" que lle acusa a Fiscalía de portar como arma. 

Ademais declararon en calidade de testemuña un policía nacional e médicos forenses que corroboraron que a morte de 'Jimmy' se debeu a un traumatismo no bazo e non ao afogamento. A nai do aficionado do Deportivo asistiu ao xulgado de Menores acompañada por compañeiros do seu fillo, membros de Riazor Blues, quen mostraron unha actitude desafiante coa prensa.