​Testemuñas aseguran ter visto a Diana Quer no porto de Taragoña

Cando falta menos dunha semana para que se cumpran dous meses da desaparición de Diana Quer, os investigadores recibiron novos testemuños que aseguran ter visto a moza a noite na que se lle perdeu o rastro. Segundo publica La Voz de Galicia, varias persoas contaron que a viron no porto de Taragoña esa madrugada, ao redor da hora á que o seu móbil deixou de dar sinal.

As versións destas testemuñas afirman que a moza, con "características físicas moi similares" ás de Diana Quer, baixou dun coche e subiu noutro conducido por un home ao que lle atribúen "mala pinta".

Ao parecer, os investigadores outórganlle a estes novos testemuños, recollidos esta semana, máis credibilidade que os que recibiron hai unhas semanas e que situaban a moza en distintos puntos de Lugo.