Denegan o servizo de ambulancia a unha paciente das Nogais que "non pode estar sentada"

Unha muller de 75 anos do municipio das Nogais (Lugo), que padece a enfermidade de paget extramamario, non dispón de servizo de ambulancia para os seus desprazamentos a Ferrol, onde recibe tratamento, a pesar de que non pode estar sentada máis de cinco minutos.

Así o asegurou a súa filla, Teresa Rodríguez, que hai unha semana alertou que a sanidade pública galega lle denegara o transporte sanitario por non estar encamada nin en cadeira de rodas.

O Sergas alega que non conta co servizo de ambulancia en base á decisión da médico de familia que atendeu á paciente, pero a súa filla acudiu á Inspección Sanitaria e á Valedora do Pobo para que a decisión sexa reconsiderada.

A muller recibiu tratamento oncolóxico na Coruña. Para estes desprazamentos si contou co servizo de ambulancia, pero unha vez tivo que iniciar un tratamento con osíxeno hiperbárico en Ferrol, a decisión sobre o transporte recaeu sobre o médico de familia.

CUALIFICAN A SITUACIÓN DE "DRAMA"

Teresa Rodríguez relatou que o médico de familia elaborou o expediente de solicitude de ambulancia o día antes de irse de vacacións. Con todo, o día que arrincaba o tratamento avisaron á familia desde o servizo de transporte de Becerreá de que non aparecía na lista de pacientes a recoller.

A familia acudiu de novo ao centro de saúde, onde foron atendidos pola médica substituta que non considerou que a paciente necesitase ambulancia. A piques de que a súa nai finalice o tratamento, Rodríguez esixiu á Inspección Sanitaria que visite As Nogais para comprobar que a súa nai non pode estar sentada, o que cualificou de "drama".

O Sergas pola súa parte alega que a prescrición de transporte "é criterio do facultativo",  e indica que a prescrición de transporte sanitario non urxente lle foi denegado por "non estar encamada nin en cadeira de rodas" a pesar de que a súa familia asegura que "non pode estar sentada máis de cinco minutos".

Segundo indicaron fuentas do Sergas a Europa Press, estas prescricións realízanse "sempre atendendo a criterios clínicos e reevalúanse todas as veces que son precisas en función da evolución do paciente".

"Como norma xeral, a necesidade de que un paciente deba de trasladarse en transporte sanitario non urxente ou poida desprazarse noutros medios, é un criterio do facultativo, que é quen pode prescribir este transporte", indicaron desde o Sergas.