A Policía defende na Coruña a unha muller con "medo" do seu marido

A Policía Local da Coruña detivo un home por un suposto caso de violencia machista, tras acudir ao seu domicilio na madrugada deste luns ante a chamada da súa muller. Segundo informou o corpo este mesmo luns, ás 5,11 horas uns axentes acudiron á vivenda localizada no barrio do Castrillón despois recibir a chamada dunha muller, quen asegurou ser agredida e insultada.

Neste sentido, os membros da Policía Local puideron comprobar que a muller presentaba "rabuñaduras no brazo" e que no dormitorio había "pratos tirados no chan". Así mesmo, a vítima asegurou ter "medo de quedar soa co seu marido".

Ante esta situación, a patrulla decidiu trasladar á muller á Casa do Mar, onde foi atendida das lesións. Pola súa banda, o marido foi detido.