​Lánzase o concurso de ideas para converter o antigo Xeral na Cidade da Xustiza

O Consello da Xunta puxo en marcha este xoves a renovación do antigo Hospital Xeral, lanzando o concurso de ideas para reformar o edificio e convertelo na Cidade da Xustiza viguesa.

Ábrese un prazo de 2 meses para que os aspirantes presenten os seus proxectos. Posteriormente, o xurado do concurso terá outros dous meses para escoller o máis axeitado.

A reforma prevista conta cun orzamento de 25 millóns de euros. Para escoller a proposta gañadora teranse en conta criterios como a calidade compositiva, a avaliación técnica e funcional ou a eficiencia enerxética.

Finalmente, está previsto integrar o Anexo I na nova Cidade da Xustiza, contradecindo os desexos de varias asociacións en defensa da sanidade que pediran que se conservase para usos sanitarios.