Galego
Falece unha persoa en Lugo ao saír da vía e arder o seu coche
De madrugada, un particular alertou ao 112 ao ver o coche en chamas, pero non puido precisar se había alguén atrapado dentro.
Unha persoa faleceu este martes tras saír da vía sobre as 6,25 horas e arder o seu vehículo na LU-612, á altura do termo municipal de Lugo, no punto quilométrico 2.
Segundo informa o CAE 112 Galicia, foi un particular o que alertou de que estaba a arder un coche na estrada que une Lugo e Portomarín, aínda que descoñecía se había alguén no interior do vehículo.
Ao lugar acudiron os bombeiros de Lugo que apagaron o lume e excarceraron a unha persoa falecida, o único ocupante do coche. Urxencias Médicas, Garda Civil de Tráfico, efectivos do GES e de Protección Civil de Monterroso, así como, os efectivos de extinción de Chantada e persoal do servizo de mantemento da estrada tamén foron informados do suceso.
As mesmas fontes explican que, polo momento, descoñécense as causas do accidente aínda que se cre que o turismo se incendiou despois de saírse da vía e chocar contra unha tajea.
Escribe tu comentario