​Pablo Iglesias tacha de "fraude" que queiran "facer caer" a Sánchez con dimisións

O secretario xeral de Podemos, Pablo Iglesias, saíu este mércores en defensa do líder socialista, Pedro Sánchez, e tachou de "fraude" a estratexia emprendida polos críticos do PSOE que busca facerlle caer "con dimisións" de membros da Executiva.

"Teño moitas diferenzas con Sánchez pero pretender facer caer a un secretario xeral, elixido polas bases, con dimisións é un fraude", asegurou o líder da formación morada nunha mensaxe difundida a través da súa conta de Twitter. 

Tengo muchas diferencias con Sánchez pero pretender hacer caer a un secretario general, elegido por las bases, con dimisiones es un fraude

— Pablo Iglesias (@Pablo_Iglesias_) 28 de septiembre de 2016

Así o asegurou minutos despois de coñecerse que os críticos con Sánchez presentaron esta tarde en Ferraz a dimisión de 17 membros da Comisión Executiva Federal do partido co obxectivo de precipitar a disolución deste órgano e a caída do secretario xeral socialista.

Pola súa banda, o secretario de Organización de Podemos, Pablo Echenique, avisou de que "os que queren tombar a Sánchez son os mesmos que queren investir a Rajoy". "Aínda que só sexa por iso, espero que fracasen", manifestou tamén nunha mensaxe na rede social Twitter.

Los que quieren tumbar a Sánchez son los mismos que quieren investir a Rajoy. Aunque sólo sea por eso, espero que fracasen.

— Pablo Echenique (@pnique) 28 de septiembre de 2016