​WWF: "Os incendios non teñen por que ser un mal endémico"

A organización WWF (World Wildlife Fund) publicou este martes unha carta aberta dirixida a todos os candidatos á Presidencia da Xunta para pedirlles "un cambio na visión curtopracista da política forestal e a loita contra os incendios" en Galicia.

Diso informou a través dun comunicado, no que sinalou que os incendios "non teñen por que ser un mal endémico" da comunidade pero que "é necesario revisar as prioridades na loita contra o lume".

Ao seu xuízo, deberíase dar á prevención "a mesma importancia económica" que á extinción e "recuperar os bosques abandonados para aproveitar o enorme potencial económico do sector forestal" en Galicia.

Así mesmo, WWF recomendou poñer en marcha "programas de intervención social" a fin de "reducir o uso do lume como ferramenta de xestión", así como fomentar bosques autóctonos "máis resistentes ao lume". Todo iso, segundo esta organización, "reduciría o impacto dos incendios" en Galicia.