Francisco Caamaño renuncia ao escano do PSOE no Parlamento galego

O deputado autonómico socialista Francisco Caamaño abandona a Cámara galega para regresar ao seu traballo como profesor universitario. O ex ministro de Xustiza de Zapatero deixa o seu escano tras perder diversas batallas internas no PSdeG e estar practicamente desaparecido da vida orgánica e institucional do seu partido.

Caamaño amagó mesmo con convocar primarias na rama coruñesa do partido a lsentirse desautorizado pola executiva galega liderada por Gómez Besteiro.

O deputado autonómico foi importante valor do partido na segunda lexislatura de Zapatero . De feito, o ex presidente Emilio Pérez Touriño chegou a declarar que había pensando nel como conselleiro do seu goberno bipartito cando Zapatero fichouno como ministro de Xustiza.

O propio Caamaño ofreceu unha breve rolda de prensa no Parlamento para explicar as motivacións da súa renuncia son «puramente personais», debido á decisión que xa tomou fai un tempo de incorporarse como docente ao próximo curso universitario en Valencia. «Non hai cambios nin portas xiratorias», dixo Caamaño sobre a súa saída da política, antes de cabiar o ton para asegurar que «realmente non volvo desencantado», aínda que concedeu que «a política ten as súas fases».

Confirmou a súa decisión de continuar sendo “militante activo” do PSOE para desenvolver, defender e impulsar as políticas de esquerda en Galicia e “levar a voz de Galicia onde queira que estea”.

Caamaño chegou primeiro ao Goberno antes que ao PSOE, levantado por María Teresa Fernández de la Vega e o propio Zapatero . No entanto, ao converterse en ministro fíxose militante, o que lle permitiu achegarse ás estruturas orgánicas do socialismo en Galicia, recibindo o apoio de Fernández Moreda para sucedelo como secretario xeral dos socialistas na provincia da Coruña no 2012.

É a súa traxectoria estivo moi unido o, exsecretario xeral do PSdeG, e en máis dunha ocasión valorou a posibilidade de competir para sucedelo como número uno do partido en Galicia. A falta de apoios, no entanto, fixérono desistir e ao final acabou apoiando a Besteiro, co que mantivo grandes diferenzas , especialmente cando o lucense o descartou como portavoz parlamentario.

O oco que deixará Caamaño no Hórreo, onde exerce como portavoz de política lingüística, ocuparao Emilio Vázquez, o que fose secretario de organización dos socialistas coruñeses e un dos principais colaboradores do exministro.