Celebraremos Noitevella con ceos despexados

Os galegos despedirán 2016 con ceo pouco nubrado ou despexado, con algúns bancos de néboa en zonas do interior, xa que este Fin de Ano o anticiclón situado sobre Centroeuropa segue marcando o tempo na comunidade.

Segundo a información de Meteogalicia, o vento soprará frouxo de dirección variable, con predominio do compoñente sur. As temperaturas mínimas seguirán sen cambios ou terán un lixeiro ascenso, mentres que as máximas continuarán sen cambios ou experimentarán un lixeiro descenso.

Deste xeito, as temperaturas máximas subirán ata os 17 graos en Pontevedra, mentres que os valores mínimos descenderán ata os cero graos en Ourense e Lugo.