Unha manifestación demanda na Coruña un convenio galego do metal

Preto de medio milleiro de delegados da CIG, segundo as contas dos convocantes, manifestáronse este mércores polas rúas da Coruña, demandando un convenio galego do metal  "que permita unificar o sector e a normativa laboral".

Así o explicou o secretario nacional de CIG-Industria, Xoán Cosé Bouzas Aboi, durante unha marcha na que os participantes tamén rexeitaron o primeiro convenio estatal do metal, asinado a finais de marzo por CC.OO, UXT e Confemetal.

"Non queremos unha negociación entre cúpulas patronais e sindicais en Madrid, afastada dos centros de traballo", sinalou Xoán Xosé Bouzas. Ademais, acusou á patronal de pretender eliminar os convenios provinciais e de buscar abaratar os salarios.

Na mesma liña, recriminou a CC.OO e UXT "entrar no xogo, deixando -á patronal- introducir a reforma laboral no propio convenio". Na mesma liña, alertou de que o convenio estatal do metal reserva, para a negociación en Madrid, materias como a contratación, períodos de proba, número de xornadas de traballo ou normativa en prevención de riscos laborais.

Pola súa banda, a CIG apostou por un marco galego de relacións laborais. "E por iso estamos aquí, demandando un convenio galego do metal que unifique as catro plataformas provinciais e que evite que entre as propias empresas póidase facer a competencia desleal polos custos salariais", explicou.