Santalices: "Quizá non haxa nadie que queira tanto ao Parlamento coma eu"

Miguel Santalices convertiuse esta mañá no sexto presidente do Parlamento de Galicia, sustituindo a Pilar Rojo trala súa marcha a Madrid. 

A elección do novo presidente da Cámara galega foi o primeiro punto da orde do día do pleno parlamentario que comezou este martes, despois de que as novas diputadas xurasen o seu cargo. 

Os deputados depositaron nunha urna os seus votos segredos, resultando Miguel Santalices o claro gañador gracias ao apoio do partido popular. Santalices conseguiu un total de 41 votos, os mesmos que deputados ten o partido popular na Cámara galega. 

Na súa primeira intervención como presidente da Cámara, Miguel Santalices recoñeceu que era un día "de moita satisfacción e moito orgullo". Recordou a súa dilatada experiencia parlamentaria, asegurando que "quizá non haxa nadie que queira tanto ao Parlamento coma eu, porque aquí estou pasando media vida"

Despois de ensalzar a labor da súa predecesora, presente no pleno, o novo presidente da Cámara dirixiuse aos deputados. Recordoulles que "eu pasei por ahí, vostedes xa me coñecen". E aínda que asegurou que lle gustaba o debate e a competitividade política, tamén avisou de que intentaría mantela "nos marxes que temos que tela". 

RÓMPESE A CADEA DE MULLERES

O nomeamento de Miguel Santalices rompe a racha de mulleres que viñan ocupando a presidencia do Parlamento dende 1995, primeiro con Dolores Vilariño e despois con Pilar Rojo.

A deputada do PSdG, Carmen Gallego, asegurou que o presidente Feijóo perdera "unha oportunidade" para otorgarlle relevancia á muller na política, rompendo "a tradición" de que unha muller fose a presidenta do Parlamento.

Pero para o voceiro dos populares, Pedro Puy "reducir algúns postos" á condición de que sexa unha muller non lle fai ningún favor á igualdade, recordando que no parlamento galego hai unha gran representación femenina.

BNG E AGE FALAN DE CONTINUISMO

O vicevoceiro de AGE, Antón Sánchez, falou de "continuismo" na decisión dos populares, non cre que vaia a significar "un cambio na forma de dirixir o Parlamento e que haxa maior democracia".

Pola súa banda, a deputada do BNG Ana Pontón tamén fala de continuismo e aproveita para reclamar que se levante o veto para que os cidadáns asistan aos plenos cando se traten temas que lles afecten, asegurando "que un parlamento pechado ao pobo perde o seu sentido".