Falece o escritor Xosé Neira Vilas

O escritor galego Xosé Neira Vilas faleceu este venres aos 87 anos, segundo fontes da Real Academia Galega (RAG).

Xosé Neira Vilas naceu en Gres, Pontevedra, en 1928. É membro numerario da RAG, Doutor Honoris Causas polas Universidades da Coruña e da Habana e Fillo Predilecto do Concello de Vila de Cruces, localidade na que residía.

Autor dun dos maiores éxitos da literatura galega, 'Memorias dun neno labrego', entre outros galardóns recibiu a Medalla Castelao, o Pedrón de Honra, o Premio Trasalba, o Premio da Crítica Española (novela en galego) ou o Premio da Crítica Galega (ensaio).