Os socialistas denuncian a “burbulla propagandística” da Xunta

Na sesión parlamentaria celebrada hoxe.

Os socialistas galegos denunciaron hoxe no pleno do Parlamento a “burbulla propagandística” da Xunta de Galicia e preguntaron “¿Onde están os 14 remolcadores de Pemex que prometeu Feijóo, chegando a interromper a programación da TVG para falar dunha inversión de 250 millóns de euros?".

"Máis alá da publicidade do Goberno de Núñez Feijóo, a realidade é que a empresa é propietaria do 51% do asteleiro vigués de Barreras e está a construír a día de hoxe un flotel en Vigo e unha parte doutro en Ferrol”, asegurou o deputado socialista Abel Losada.

Nunha pregunta oral ao conselleiro de Economía e Industria, Francisco Conde, Losada lembrou que “a continua baixada do prezo do petróleo está levando a que algunhas das grandes empresas produtoras se vexan obrigadas a unha política de redución de custes, entre elas Pemex”.

“Este novo recorte chega nun momento en que Pemex é especialmente vulnerable e empresa xa advertiu de que as condicións do mercado teñen variado e que se vai a convocar aos contratistas para renegociar; indubidablemente, isto xera unha enorme inseguridade nas empresas privadas concernidas”, engadiu o deputado socialista, aunque o conselleiro non foi quen de concretar se esta situación afectará ao prometido pola Xunta para a industria galega.

“Si ademais temos en conta os anuncios de Núñez Feijóo non materializados ata agora, outra vez a publicidade e propaganda, da construción en Galicia de parte da súa flota menor e o establecemento dunha base loxística no porto de Langosteira, resulta evidente que o impacto dos recortes pode ser moi importante”, engadiu Losada.