Piden catro anos de cárcere para un home ao que interceptaron en Santiago 30 bolsas de cocaína

A Fiscalía pide catro anos de cárcere por un delito contra a saúde pública para un home que foi interceptado no seu coche en Santiago con 30 bolsas plásticas de cocaína.

O caso, que procede do Xulgado de Instrución nº2 de Santiago, xulgarase este venres ás 10.30 horas na sección sexta, situada en Santiago, da Audiencia Provincial da Coruña.

Segundo recolle o Ministerio Fiscal no seu escrito de cualificación, o 6 de xuño de 2021, ao redor das 4.30 horas, o acusado foi interceptado en cálea Castro Douro de Santiago cando conducía o seu turismo Ford Focus xunto a dous amigos.

Alí atopáronselle 30 bolsas plásticas pechadas con arame verde dentro do calzón, que contiñan sustancias estupefacientes que posteriormente analizadas polas autoridades oficiais competentes resultaron ser 322 gramos de cocaína cunha riqueza media do 67, 6 %.

O prezo de venda ao público no mercado ilícito, que o mesmo pensaba destinar á súa transmisión a terceiras persoas, era de 1.146,29 euros.

Así mesmo, en poder do acusado foron achados 990 euros procedentes da previa venda de sustancias estupefacientes.

Considera a Fiscalía que os feitos relatados son constitutivos dun delito contra a saúde pública, polo que piden catro anos de cárcere e unha multa de 3.438, 87 euros.