Pastor e Coren asinan un convenio para financiar agricultores e gandeiros galegos

Pastor e Coren veñen de asinar un novo acordo de colaboración para impulsar o sector agrícola e gandeiro galego.

O convenio enmárcase dentro da estratexia de Pastor de apoio a este sector, segundo destaca nun comunicado, no que se mostra "consciente da importancia que ten para o tecido empresarial de Galicia".

O acordo foi asinado este venres en Ourense polo director xeral de Pastor, Fernando Merino, e o director xeral de Coren, Emilio Rial.

En virtude deste acordo, Pastor proporcionará aos asociados de Coren unha oferta de produtos e servizos "deseñados á súa medida e en función das súas necesidades", resalta.

Na devandita oferta sobresaen as operacións para financiar o circulante nunhas condicións moi vantaxosas con produtos como a conta de crédito/agrocrédito, o agropréstamo/leasing e o préstamo campaña agrícola.