Un estudante da UVigo presenta un dron capaz de controlar incendios forestais

// @EXPOURENSE

Un dron con cámara termográfica que calcula a temperatura do chan a máis de cinco metros de altura para controlar o perímetro de seguridade de zonas afectadas por incendios co obxectivo de evitar a súa reprodución foi o traballo gañador do 16º Concurso de Proxectos Tecnolóxicos que se celebrou este xoves no Campus de Ourense.

O gañador foi Alberto Novoa, alumno de fin de grao en Enxeñería de Tecnoloxías de Telecomunicación da Universidade de Vigo e traballador en extinción de incendios nas campañas de verán.

Esta iniciativa está promovida por Expourense e a Escola Superior de Informática de Ourense que conta co apoio do Igape e o patrocinio da Deputación de Ourense.

O obxectivo é sensibilizar ás empresas dos beneficios da aplicación da investigación tecnolóxica ao seu proceso de produción axudando a facela máis competitiva.

A Deputación de Ourense entregou o premio especial 'Provincia Intelixente' que recadou no portal para a xestión de viñedos creado por Alba Nogueira, egresada da Escola Superior de Informática do Campus de Ourense.