Rescatan en Silleda un grupo de excursionistas perdidos

Un grupo de persoas tivo que ser auxiliado na tarde do domingo tras perderse cando facía unha ruta pola Fervenza do Toxa no termo municipal de Silleda (Pontevedra).

Unha desas persoas contactou co Centro de Atención ás Emerxencias do 112 para explicar que se perderon despois de seguir as indicacións dun GPS. Segundo explicou, estaban a tentar volver ao seu punto de partida, Martixe, sen éxito.

Por iso, o persoal do 112 alertou á Policía Local e á Garda Civil. Os efectivos locais localizaron os excursionistas nunha estrada entre Martixe e Arxenil, preto dun cámping. Todos eles atopábanse en perfectas condicións.