​Incorporan drons para atopar o percebeiro desaparecido na Guarda

Os drons da Axencia Galega de Emerxencias incorporaranse este luns á procura do percebeiro desaparecido o día 28 de agosto na costa da Guarda (Pontevedra), segundo as previsións que traslada o 112.

Un amplo dispositivo de medios forma parte, segundo a central de atención ás emerxencias, do operativo de procura que desde ese día coordina Salvamento Marítimo.

O home caeu ao mar desde unhas rochas en Punta Bazar o domingo, cando estaba a coller percebes cun amigo. A alarma deuse ao redor das 21,00 horas. Polo momento non se atoparon novos indicios do seu paradoiro, despois de que na mañá do luns pasado se localizase unha das zapatillas que levaba postas no momento da súa desaparición.