Galego
Burela vive a súa "peor" costeira do bonito dos últimos anos
Os armadores declaran que "a falta de capturas está a provocar que a frota abandone". As previsións tampouco acompañan.
O presidente de Armadores de Burela, Miguel Neira, informou de que a costeira de bonito está a ser a "peor" dos últimos tempos, cunha caída das capturas nun 40 por cento con respecto ao mesmo período do ano pasado.
Ante as malas previsións e con só sete buques do porto de Burela, Neira augurou un remate anticipado da campaña porque "a falta de capturas está a provocar que a frota abandone".
A peche do mes de agosto, o número de toneladas capturadas sitúase nas 689, fronte ás 1.400 do ano pasado. O volume de negocio está nos 2,8 millóns de euros. A pesar da caída das capturas, os prezos non subiron e mantéñense ao redor dos 4,15 euros por quilo que se cobraban en 2015.
Escribe tu comentario