O octoxenario que atropelou a un pelotón de ciclistas podería perder o carné

O conductor de 87 anos que atropelou este sábado a un pelotón de ciclistas na Guarda, deixando un morto e sete feridos, será sometido un exame para comprobar se está capacitado para conducir. 

O delegado do Goberno en Galicia, Santiago Villanueva, explicou que se pedirá unha revisión extraordinaria das condicións psicofísicas do condutor, para dilucidar se pode conservar ou non o seu carné de conducir. 

O home, que ten carné en vigor e un todoterreo coa ITV vixente, deu negativo nas probas de alcoholemia e de drogas ás que foi sometido, segundo confirmaron  fontes da Policía Local da Guarda. Tras prestar declaración en sede policial o mesmo sábado, quedou en liberdade con cargos.

A investigación está a cargo do Xulgado número tres de Tui, que será o encargado de fixar unha data para a declaración do conductor. 

ACCIDENTE

O grave sinistro tivo lugar pasadas as 11,00 horas do sábado preto do lugar de San Xián, no punto quilométrico 43,5 da estrada PO-552, que comunica Baiona e A Guarda. Trátase dunha estrada "ancha", cun carril en cada sentido, e que conta cun espazo habilitado para peóns.

O pelotón de ciclistas estaba integrado por unha vintena de afeccionados, entre os que había veciños de Vigo e do Val Miñor. Así, o falecido é J.A.C.P, de 52 anos de idade, veciño do municipio de Nigrán; mentres que hai sete feridos, os máis graves hospitalizados en unidades de coidados críticos do Hospital Álvaro Cunqueiro; e outros tres ingresados en planta en Povisa.