​Susana Díaz ofrécese para axudar a "coser, unir e restablecer a fraternidade"

A secretaria xeral socialista en Andalucía e presidenta da Xunta, trasladou esta tarde ante a súa Executiva "unha mensaxe de tranquilidade" ante a guerra interna desatada no PSOE e aseguraou que os socialistas andaluces "van estar á altura". 

A secretaria xeral do PSOE andaluz e presidenta da Junta, Susana Díaz, asegurou hoxe que esta federación poñerá da súa parte para axudar a "coser, a unir, a restablecer a fraternidade" por "moi complicado" que sexa este momento.

Díaz advertiu de que os militantes non "perdoarán" que se puxeran "os intereses persoais por encima dos do partido", e lamentou que haxa quen "se cegou cos fogonazos dos partidos novos e perdeu a perspectiva".

Así se pronunciou ante o Comité Director do PSOE-A, convocado o día despois de que os críticos presentasen en Ferraz a dimisión de 17 membros da Comisión Executiva Federal do partido co que pretendían precipitar a disolución deste órgano e a caída do secretario xeral, Pedro Sánchez; e onde asegurou que o PSOE-A "nunca querería que goberne a dereita" e que vai contribuír a "coser, unir e restablecer a fraternidade de todos os compañeiros no conxunto do PSOE".

BANDOS

Ademais, secretaria xeral do PSOE-A, Susana Díaz, negou que no PSOE haxa "bandos" e defendeu que o partido, que atravesa unha situación "dura e dolorosa", merece dunha reflexión en "profundidade e sen présas", polo que rexeitou que se celebre un congreso expres porque alguén o considere favorable para "os seus propios intereses persoais". Pola contra, defendeu un congreso con todos os militantes, pero sen présas.

Nunha intervención que se iniciou co aplauso en pé de todos os membros do Comité Director, Susana Díaz reivindicou as figuras dos expresidentes do Goberno Felipe González e José Luis Rodríguez Zapatero e dixo que lle "doe" que se lles sitúe no bando da dereita" á vez que defendeu que o PSOE é "patrimonio de militantes e dos miles de home e mulleres que nos dan o seu voto e non teñen o carné do partido".

Foi especialmente dura con Podemos, formación á que acusou de "inxerencias descaradas" para tentar "influír na vontade libre" do PSOE. "O que Podemos fixo con IU non o vai a facer co PSOE", dixo ante o aplauso dos asistentes.