​Suspenden as clases en dous colexios polos danos ocasionados polo temporal de choiva

Os danos ocasionados polo temporal de choiva que afectou a Galicia durante a noite obrigou a suspender as clases nos CEIP da Lama e Doutor Suárez (Fornelos de Montes).

Segundo informa a Consellería de Cultura, Educación e Ordenación Universitaria, estaban a realizarse obras de cambio da cuberta en ambos os centros, que só rexistraron perdas e danos de carácter material.

A Xefatura Territorial da Consellería en Pontevedra solicitou aos directores que contabilicen os danos nas instalacións e no material, cuxo arranxo e reembolso se esixirá ás empresas construtora que se ocupan das actuacións, en cada caso.

O departamento autonómico está a analizar a situación para garantir a volta ás clases do alumnado afectado "coa máxima seguridade" e barállase o traslado dos estudantes a outras partes dos centros menos afectadas, tras terminar os traballos de limpeza e acondicionamento necesarios tras o incidente.