As monxas indias que deixaron o convento das Mercedarias están vivindo en Madrid

As tres monxas de orixe india supostamente retidas no convento das Mercedarias de Santiago están vivindo en Madrid, na casa da muller española que presentou a denuncia que destapou o caso, e que xa tiña como empregada do fogar á primeira monxa india que deixara hai anos o convento. 

A susodita muller, en declaracións a El programa de Ana Rosa de Telecico, asegurou que as tres relixiosas estaban durmindo na súa casa mentres "buscaban un sitio donde elas puideran estar".

Aproveitou para incidir na situación de cativerio na que segundo ela estaban as monxas en Santiago. Asegura que chegaron a Galicia engañadas, crendo que iban a converterse en enfermeiras, e que levaban "moito tempo intentando saír" da congregación.

Sostén que as relixiosas non sabían nin en qué cidade estaban, tiñan retida baixo chave a súa documentación e estaban ameazadas coa deportación. A nai superiora, según di, estaba "enaxenada" e parecía ter unha cruzada persoal para impedir que abandonaran o convento. 

Aínda así, asegura que as relixiosas indias seguen sen querer denunciar, e están agradecidas coa nai superiora, xa que lles deu "comida e casa durante vinte anos". 

O caso sigue por tanto pendente da decisión da Fiscalía, que se atopa agardando para comprobar se o xuíz encargado do caso ordena novas dilixencias, como unha posible declaración da nai superiora e das relixiosas que quedan no convento.