A policia libera a tres monxas indias retidas contra a súa vontade durante anos nun convento de Santiago

Tres relixiosas orixinarias da India foron liberadas do seu cativerio no convento das Madres Mercedarias de Santiago de Compostela. Unha das relixiosas logrou fuxir e denunciou perante a Policía os feitos. Segundo a relixiosa, que chegara ao convento a finais dos anos noventa cando aínda era unha adolescente, as tres mulleres permanecían retidas contra a súa vontade baixo enganos e ameazas da superiora. 

Segundo as primeiras pesquisas, a nai superiora ameazaba ás mulleres con que serían deportadas se deixaban o convento, posto que lles fixera crer que estaban en España de forma irregular. 

A investigación continúa aberta e, polo de agora, non se fixeron detencións, malia que a xuíza que instrúe o caso investiga delitos de detención ilegal, contra a integridade moral, ameazas e coaccións. As monxas liberadas foron levadas a unha casa de agollida e se lle ten aplicado o mesmo protocolo que se segue nos casos de mulleres víctimas de violencia machista.

O convento de Santiago é o quinto que esta orde ten en España. As Mercedarias centran a súa vida relixiosa na contemplación. A crise de vocacións que ten baleirado progresivamente os conventos españois fixo que esta orde aceptara relixiosas da India e de México hai 13 anos. 

MONXAS DEPORTADAS EN 2011

A raíz desta posible retención, o Xulgado de Instrucción número 1 de Santiago tamén investiga os motivos da deportación en 2011 doutras dúas monxas orixinarias da India. 

Estas dúas relixiosas tamén residían no convento das Madres Mercedarias e dispoñían de permiso de residencia, pero aínda así foron deportadas.