Remolcan ata Camariñas un pesqueiro á deriva con tres tripulantes
jueves, 5 de enero de 2017, 10:10
Unha embarcación de Salvamento Marítimo remolcou o pesqueiro 'Os Xuxos' con tres tripulantes a bordo ata o porto coruñés de Camariñas ao quedar sen máquina tras sufrir unha avaría no motor e temón.
Segundo informou Salvamento Marítimo a Europa Press, pasadas as 19,00 horas do mércores recibiuse o aviso do pesqueiro que solicitaba remolque cando estaba a poucas millas do Cabo Fisterra "derivando cara a terra", segundo concretaron as mesmas fontes.
Por iso, foi mobilizada a embarcación 'Salvamar Altair', que acudiu á zona e remolcou o pesqueiro "sen problemas" ata o porto coruñés de Camariñas, onde quedou atracado ás once e media da noite.