Inicia a campaña de pesca da lamprea no Ulla
lunes, 2 de enero de 2017, 09:42
O período hábil de pesca no río Ulla inicia este luns 2 de xaneiro e manterase ata o 6 de maio. Tamén dará comezo nas pesqueiras de Areas (Herbón), que, neste caso, pecharase o 25 de marzo.
No tramo entre As Vellas (Herbón) a Trapa (Herbón) será do 30 de xaneiro ao 22 de abril. Así mesmo, entre a Caseta e Furado (Carcacía) ata Lampreeiro, paraxe das Pesqueiras (Reis), do 6 de febreiro e ata o 6 de maio.
Pola súa banda, o período xeral no río Tea será entre o 23 de xaneiro e o 29 de abril. As lampreas péscanse desde pontóns de madeira estacados autorizados previamente nos que se sitúan unhas catro persoas, ao que acceden por un sorteo previo.
O sorteo para a adxudicación de postos de pesca terá lugar no refuxio da Freixa (Ponteareas) o 13 de xaneiro de 2017, ás 11,00 horas. Os pontóns impares pescarán os luns, mércores e venres, mentres que os pares estarán os martes, xoves e sábado.