Localizados catro mozos perdidos con quads gracias á localización por whatsapp
martes, 27 de diciembre de 2016, 10:37
Catro mozos foron localizados na madrugada deste martes por efectivos do GES da Estrada (Pontevedra) despois de perderse no monte cando facían unha ruta en quads.
Segundo informou o CAE 112 Galicia, os catro rapaces foron localizados sans e salvos despois de que un particular, pasados uns minutos das 00,30 horas deste martes, chamase para pedir axuda.
O alertante indicou que os catro persoas saíran facer unha ruta en quads polo Monte San Torcado, en Enviande-Montillón, na localidade da Estrada, cando se fixo de noite e e se perderon. Segundo asegurou, ademais, todos estaban en boas condicións.
A partir de aí, o 112 Galicia puxo en marcha un dispositivo de procura no que participaron a Garda Civil e os efectivos do GES e de Protección Civil da Estrada.
Finalmente, e grazas ao envío da súa localización a través do whatsapp, os mozos foron atopados en perfecto estado polos efectivos do GES que os acompañaron ata o lugar onde as súas familias os esperaban.