Protección Civil alerta dun forte temporal en Galicia
jueves, 15 de diciembre de 2016, 18:57
A Dirección Xeral de Protección Civil e Emerxencias alertou ás costas de Galicia por forte temporal nas próximas horas con mar combinada do oeste noroeste que pode producir ondas de 5 e 6 metros de altura.
Deste xeito, Protección Civil aconsella aos cidadáns que ante os ventos costeiros se afasten da praia e doutros lugares baixos que poidan ser afectados polas elevadas mareas e ondas que adoita xerarse ante a intensidade de ventos fortes.
Ademais, recomenda evitar estacionar en zonas que poidan verse afectadas pola ondada xa que nestas situacións o mar adquire condicións extraordinarias e pode arrastrar a quen se atope nas proximidades. Tamén insiste en non poñer en risco a vida polas imaxes espectaculares do mar.
Doutra banda, fronte aos fortes ventos, Protección Civil aconsella asegurar portas, xanelas e todos aqueles obxectos que poidan caer á vía pública e afastarse de cornixas, árbores, muros ou edificacións en construción ou guindastres que poidan desprenderse, así como absterse de subir ás estadas sen medidas de protección.
Protección Civil lembra tamén aos condutores que extremen as precaucións, especialmente na saída de túneles, adiantamentos e cruzamento con vehículos pesados en estradas de dobre sentido e prestar atención ante a posible presenza de obstáculos na estrada.