Xabarís provocan un accidente en Portomarín e outro no Pino
martes, 6 de diciembre de 2016, 11:01
Dous coches sufriron danos ao impactar contra un xabaril que interceptaron na vía, na tarde deste luns no alto do Hospital, en Portomarín (Lugo), segundo informa o 112.
A causa do impacto, unha persoa resultou ferida e foi trasladada en ambulancia ao centro médico de referencia. Con todo, as lesións parecían leves.
Foi a propia implicada a que chamou ao 112 sobre as 20,00 horas, cando se mobilizou aos profesionais de Urxencias Médicas, aos bombeiros de Chantada e aos membros do GES de Monterroso.
Non foi o único sinistro destas características. No Pino (A Coruña), outro xabaril provocou un accidente, neste caso cun só vehículo implicado e sen feridos.
Sucedeu ás 20,00 horas na N-547, ao paso polo lugar de Ferreiros. O 112 informou a Garda Civil de Tráfico.