As negociacións das cotas pesqueiras entran na recta final
domingo, 4 de diciembre de 2016, 17:53
A conselleira do Mar, Rosa Quintana, representará a Galicia este luns en Madrid na reunión do Consello Consultivo de Política pesqueira para Asuntos Comunitarios. En concreto, esta reunión é a antesala ao Consello de Ministros de Pesca da Unión Europea, no que se negociarán as posibilidades pesqueiras do ano que vén.
Nesta reunión, que estará presidida pola ministra de Agricultura e Pesca, Alimentación e Medio Ambiente, Isabel García Tejerina, abordarase a proposta de TACs e cotas de pesca para 2017 feita pola Comisión Europea.
O obxecto deste encontro é analizar o documento inicial entre as comunidades autónomas españolas xunto co Ministerio para poder negocialo a próxima semana no Consello de Ministros de Pesca, que se celebrará en Bruxelas.