A UEFA veta o símbolo do trisquel da camiseta do Celta
viernes, 30 de septiembre de 2016, 19:39
O portal moiceleste.com anunciaba hoxe que a UEFA obrigou ao Celta a tapar o símbolo do trisquel que loce o equipo na parte traseira da camiseta desde fai seis anos. Segundo o mesmo medio, esta tarde os xogadores lucían un círculo celeste tapando o trisquel, un símbolo que segundo a cultura celta representa a evolución e o crecemento, o equilibrio entre corpo, mente e espírito.
O veto ao tradicional trisquel celta na parte posterior da camiseta un engadido que a camiseta non trae de serie e que por tanto o equipo celeste no lucíu no partido fronte ao Espanyol o pasado domingo, nin ante o Standard.
En canto ás razóns do veto, de momento descoñécense, xa que a organización da UEFA aínda non se pronunciou sobre o tema. Porén, algúns usuarios da rede están apuntando a que a similitude do trisquel coa esvástica podería estar detrás do veto. O portal moiceleste vai máis aló e ironiza con que a UEFA podería estar a empregar as normas da cultura celta pola cal só os druídas poderían portar o símbolo sagrado, o cal supón un problema posto que o Celta non conta con ningún druída na plantilla.