Continúan hospitalizados nove feridos no accidente de tren
domingo, 11 de septiembre de 2016, 17:02
Un total de nove persoas permanecen ingresadas nos centros hospitalarios da cidade de Vigo, tras recibir a alta dous feridos e ingresar outro este domingo.
Segundo os datos da Consellería de Sanidade, en Povisa recibiron a alta dous pacientes esta xornada e foi ingresada outra persoa que viaxaba no tren accidentado o venres.
Así, dos nove ingresados, tres están no Hospital Álvaro Cunqueiro (HAC), dous no Hospital Vithas Nosa Señora de Fátima e catro en Povisa.
Ata o momento recibiron a alta 40 persoas feridas no sinistro ferroviario do Porriño.