Darío Campos dá por resolta a expulsión de Manuel Martínez
miércoles, 10 de agosto de 2016, 17:56
Darío Campos. //Foto: @depulugo twitter
O presidente da deputación de Lugo, Darío Campos, deu por "resolto" este mércores o relativo á expulsión do PSOE do alcalde de Becerreá, Manuel Martínez, na actualidade deputado provincial no grupo de non adscritos.
"É un tema que para min está resolto, e céntrome na execución dos orzamentos, que é no que estamos centrados todo o equipo de goberno, para mellorar a calidade de vida dos veciños da provincia", resolveu, sen querer entrar en detalles.
Sobre o novo recurso á súa expulsión das filas socialistas presentado polo propio Martínez, Campos dixo que a decisión corresponde a Ferraz. "Supoño que o estudará e tomará a decisión oportuna", concluíu. Tras a aprobación dos orzamentos da Deputación, que Manuel Martínez finalmente apoiou, chegárase a falar mesmo da reincorporación do alcalde de Becerreá ás filas socialistas.