Núñez Feijóo co seu pai, Saturnino Núñez. /Fonte: twitter @ppdegalicia


O pai do presidente da Xunta, Saturnino Núñez, faleceu na tarde do luns na localidade de Vigo aos 83 anos de idade. Natural de Vilardevós, casado e con dous fillos, Alberto e Micaela Núñez Feijóo, será enterrado este martes en Ourense.

Alberto Núñez Feijóo suspendeu a súa axenda, que ata última hora mantivo de forma intensa, tanto da tarde deste luns, cando estaba previsto que asistise a unha entrega de premios en Ourense, como para o martes, cuxos compromisos quedaron pospostos, segundo confirmaron fontes do seu gabinete.

Saturnino Núñez será velado en Ourense e recibirá sepultura nun acto íntimo da familia este martes. O funeral será ás 19,00 horas en Ourense.


POWERED BY BIGPRESS