Os traballadores das residencias privadas da terceira idade reclaman un incremento salarial
sábado, 9 de abril de 2016, 13:04
CCOO, UGT e CIG uníronse para reclamar no Consello Galego de Relacións Laborais unha mellora salarial do 3% para os traballadores das residencias privadas da terceira idade de Galicia, dentro do marco de negociacións do seu convenio colectivo.
Ademais, tamén piden unha nova paga extra a conquerir e 4 anos, unha redución da xornada laboral e varias melloras en licencias. Recordan que se trata dun colectivo con salarios na maioría dos casos inferiores a 1000 euros, con “xornadas longas de 24 horas os 365 días do ano”.
Pero a patronal negouse a entrar no articulado da negociación, alegando que a proposta non era realista. Unha actitude que consideran “inaceptable” dende CCOO, aínda que esperan que na vindeira reunión do 13 de maio lles den a coñecer a súa “proposta realista”.