As mortes en Galicia duplican aos nacementos cun saldo negativo de 4.921 persoas
martes, 3 de noviembre de 2015, 00:59
Galicia rexistrou no primeiro trimestre 9.609 mortes (de 4.651 homes e 4.958 mulleres), máis do dobre que os nacementos contabilizados nese mesmo período, 4.688 segundo o avance de explotación do movemento natural da poboación que publica este venres o Instituto Galego de Estatística (IGE).
Desta forma, o crecemento vexetativo da poboación galega -resultante de restar aos nacementos as defuncións- bota un saldo negativo de 4.921 persoas.
Por provincias, A Coruña contou 3.836 falecementos e 2.095 nacementos; Pontevedra, 2.824 e 1.684, respectivamente; Lugo, 1.513 e 504; e Ourense, 1.436 e 405.
Estatística recolle que a maior parte dos nacidos foron de nais que tiñan entre 30 e 34 anos (1.645) e entre 35 e 39 (1.597). A continuación situouse o grupo de mulleres entre 25 e 29 anos, con 689 nacementos; as de 40 a 44, con 403; e as de 20 a 24, con 263.
Pola súa banda, representan datos menores as 54 nais que tiñan entre 15 e 19 anos cando deron a luz, 33 con entre 45 e 49 anos e catro maiores de 50.
MATRIMONIOS
Mentres, entre xaneiro e marzo deste ano 942 parellas contraeron matrimonio na comunidade galega, 924 entre individuos de distinto sexo, 11 entre dous homes e sete entre dúas mulleres.
Dos matrimonios entre heterosexual, o 88,4% materializáronse en cerimonias de carácter civil (817), fronte ás vodas católicas (94), tres doutra relixión e 10 das cales non consta o tipo de celebración.