Reabren ao tráfico o tramo da autovía A-8 cortado onte sábado pola néboa
domingo, 5 de julio de 2015, 12:41
O tramo da autovía A-8 ao seu paso por Mondoñedo cortado o sábado ao tráfico por néboa foi reaberto pouco antes do mediodía deste domingo, informou a DXT.
O corte produciuse o sábado a partir das 16.54 horas entre os quilómetros 536 e 552 en ambos os dous sentidos.
Segundo fontes da DXT, a mellora das condicións meteorolóxicas permitiu a reapertura do tráfico ás 11.38 da mañá deste domingo.