​O PSOE ferrolán expulsa ás edís díscolas

O grupo municipal e a executiva local do PSOE de Ferrol acordou finalmente expulsar ás dúas concelleiras María Fernández e Rosa Méndez, que se manteñen no goberno a pesar de que o máximo órgano representativo dos socialistas ferroláns decidiu que o grupo pasase á bancada da oposición.

As afectadas, María Fernández Lemos e Rosa Méndez, contrarias á xestión de Beatriz Sestayo, consideran que o grupo municipal non ten autoridade para expulsalas e que esa decisión debe de ser adoptada por organos superiores. As dúas concelleiras expulsadas xa pediran a mediación da executiva provincial no caso ao considerar que non incumpriron ningunha directriz do partido por permanecer no goberno.

Na reunión mantida onte á noite, o PSOE de Ferrol ratificou que "é a dirección o órgano ao que corresponde tomar estas decisións", e afirmou que "actuou correctamente ao saír do goberno", informa o Diario de Ferrol

PACTO ANTITRASFUGUISMO

Fontes socialistas sinalaron que, ademais, abrirase o procedemento do pacto antitransfuguismo para esas dúas concelleiras, aínda que unha delas presentouse na lista do PSOE como independente, e tamén para o alcalde, Jorge Suárez, tendo en conta de que o seu partido (EU) é un dos asinantes dese acordo entre partidos, informa o mesmo diario.